Azərbaycan Memarlıq və İnşaat Universitetinin (AzMİU) müəllim Fövzü Quliyev faciəvi şəkildə vəfat edib.
Den.az xəbər verir ki, bu barədə universitet məlumat yayıb.
Bildirilib ki, AzMİU-nun İnşaat fakültəsinin dekan müavini Fövzü Quliyev tikintisi davam edən iaşə obyektinin damından yıxılaraq faciəvi şəkildə ölüb.
Hadisə F.Quliyev Fövqəladə Hallar Nazirliyinin Tikintidə Təhlükəsizliyə Nəzarət Agentliyinin Müayinə qrupunun aparıcı mütəxəssisi olaraq Biləsuvar rayonunu ərazisində vəzifə səlahiyyətlərini icra edərkən baş verib.
Mərhumun 2 övladı qalıb.
Fövzü Manaf oğlu Quliyev 1976-ci ildə Gədəbəy rayonunun Arabaçı kəndində (indiki Ciçəkli) anadan olub. 1994-98-ci illərdə Azərbaycan Memarlıq və İnşaat Universitetinin İnşaat fakültəsində şəhər bələdiyyə tikintisi və təsərrüfatı ixtisasını bakalavr, 1998-2000-ci illərdə magistratura pilləsini fərqlənmə diplomu ilə bitirib.
2001-ci ildə hərbi xidmətdən ehtiyata buraxıldıqdan sonra Azərbaycan Memarlıq və İnşaat Universitetinin Şəhər bələdiyyə tikintisi və təsərrüfatı”kafedrasında baş laborant vəzifəsinə işə qəbul edilib. 2002-ci ildən başlayaraq əvvəl saat hesabı müəllim, sonra assistent kimi fəaliyyətini davam etdirib. 2012-ci ildə doktoranturaya qəbul olunub. 2017-ci ildə dissertasiya işi müdafiə edərək texnika üzrə fəlsəfə doktoru alimlik dərəcəsi alıb. 2013-cü ildən Bina və qurğuların istismarı və rekonstruksiyası kafedrasında baş müəllim, 2021-ci ildən isə İnşaat konstruksiyaları kafedrasında dosent vəzifəsində çalışıb. 2022-ci ilin mart ayından isə İnşaat fakültəsində tədris işləri üzrə dekan müavini vəzifəsinə təyin edilib.
Universitetin dekan müavini faciəli şəkildə öldü
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
