Berlinin "Union Berlin" klubu 34 yaşlı Marie-Louise Eta-nın əsas komandanın baş məşqçisi vəzifəsini müvəqqəti icra edən şəxs təyin olunduğunu açıqlayıb. Bu barədə klubun rəsmi saytı məlumat yayıb.
Beləliklə, o, Almaniyanın Bundesliga tarixində kişi klubuna rəhbərlik edən ilk qadın məşqçi kimi tarixə düşüb.
Məşqçi heyətində dəyişikliklər Almaniya çempionatının 29-cu turunda Heidenheim ilə oyundan sonra baş verib. Həmin qarşılaşmada Berlin təmsilçisi 1:3 hesabı ilə məğlub olub. Bu nəticədən sonra klub yanvar ayından komandaya rəhbərlik edən 54 yaşlı Steffen Baumgart ilə yollarını ayırıb.
