Türkiyənin süni intellektdən tam istifadə edilərək hazırlanmış ilk serialı yayımlanıb.
“Qala divarları” adlı kvazi-tarixi serial iki 15 dəqiqəlik bölümdən ibarətdir və Amazon Prime onlayn platforması tərəfindən təqdim edilib.
Hadisələr müasir İran ərazisində yerləşən Ələmut qalasında cərəyan edir. Serialda real aktyorlar rol alıb, müxtəlif dillərdə səsləndirməni isə peşəkar aktyorlar həyata keçirib.
Layihənin ssenarisini daha əvvəl “El Turco” serialı üzərində çalışmış Kərəm Deren və Çisil Hazal hazırlayıb.
Serialın prodüseri Ay Yapım şirkətinin açıqlamasına görə, layihənin hazırlanması zamanı müxtəlif süni intellekt alətlərindən istifadə olunub.
ChatGPT “operativ təkmilləşdirmə və yaradıcı işləmə”, MidJourney isə “vizual araşdırma və ilham” məqsədilə tətbiq edilib.
Bundan başqa, yaradıcı heyət Runway, Google Nano Banana, Veo, Kling, ComfyUI və Topaz kimi süni intellekt alətlərindən də istifadə edib.
Beləliklə, real aktyorların iştirak etdiyi layihədə ssenari, vizual araşdırma və yaradıcı istehsal prosesinin bir sıra mərhələləri süni intellekt texnologiyalarının köməyi ilə həyata keçirilib.
