Türkiyəli aktyor Mahir Günşiray, Ahmet Mümtaz Taylanın “Empati” proqramında qonaq olub. O, aktrisa Hatice Aslanla münasibətindən danışaraq son vaxtlar çox aşiq olduğunu bildirib.
Günşiray qeyd edib ki, Hatice Aslanla Ankara Dövlət Konservatoriyasında bir yerdə oxuyublar və dörd il eyni sinifdə olublar. Onlar 40 il ərzində görüşməyiblər, lakin sonradan əlaqələri yenidən qurulub.
“Sinifimizin WhatsApp qrupu vardı. Hamı nəsə yazırdı. Hatice ilə yazdıqlarımız bir-birinə uyğun gəlirdi. Orada kiçik bir yaxınlıq yarandı. Qrupu yelkənli qayıqla gəzintiyə dəvət etdim. Hatice və Hülya Gülşen gələcəyini dedi. Sonda yalnız Hatice gəldi və biz davam etdik. O, çox pozitiv və çox xüsusi insandır.”
Aktyor ailə həyatı ilə bağlı da səmimi açıqlamalar verib. O bildirib ki, atası Orhan Günşiray və anası Gülsevil Tayga o 1,5 yaşında olarkən ayrılıb və onu nənələri böyüdüb.
“Ana və ata anlayışı məndə zəifdir. Atamın həyatımda böyük təsiri olmayıb. Son illərdə münasibətimiz bir qədər yaxşılaşmışdı, amma o xəstə idi. Ailəmdəki itkilər məni çox sarsıtmamışdı. Ta ki həyat yoldaşım Claudeni itirənə qədər. Çox ağır oldu. 26 il bir insanla qucaqlaşıb yat, sonra onu itir.”
