Sumqayıtda bir qrup şagirdlər üçün ekskursiya təşkil edilib.
Bu barədə Den.az-a Sumqayıt şəhər internat tipli gimnaziyadan məlumat verilib.
Belə ki, Sumqayıt şəhər internat tipli gimnaziya, yataqxanada gecələyən şagirdlərini, təhsil müəssisəsi rəhbərliyinin təşəbbüsü ilə Sumqayıt Tarix Muzeyinə aparıblar. Şagirdlərə muzey haqqında ətraflı məlumat verilib.
Bildirilib ki, 2 noyabr 1967-ci ildə yaradılmış Sumqayıt Şəhərinin Tarixi Muzeyi 9 ekspozisiya zalından ibarətdir. Muzeyin ümumi sahəsi 2680 m2-dir. XVI əsrdən başlayaraq bu günümüzə qədər xronoloji ardıcıllığı muzey ekspozisiyasının mövzusunu təşkil edir. Əsas fondunda 15000 eksponat muzeydə mühafizə olunur.
Sonda Tarix Muzeyin rəhbərliyinə, işçilərinə minnətdarlıq ifadə olunub.
