Avqustun 5-də Fövqəladə Hallar Nazirliyində FHN-in Akademiyasını bitirən məzunların Nazirlik sistemində mövcud müvafiq vakant vəzifələrə püşkatma yolu ilə təyinatı olub.
Bu barədə “Den.az”-a FHN-in mətbuat xidmətindən bildirilib.
Tədbirdə Nazirliyin Püşkatma komissiyasının üzvləri, aidiyyəti vəzifəli şəxsləri və FHN yanında İctimai şuranın nümayəndələri iştirak ediblər.
Tədbiri giriş sözü ilə açan Fövqəladə Hallar Nazirliyi Püşkatma komissiyasının sədri, nazir müavini general-mayor Adil Abdullayev püşkatma yolu ilə vəzifələrə təyin olunan gənc zabitləri təbrik edərək onlara peşəkar fəaliyyətlərində uğurlar arzulayıb, fövqəladə hallarla mübarizə üzrə üzərlərinə düşən vəzifələrini layiqincə yerinə yetirəcəklərinə, dövlətimizə və xalqımıza sədaqətlə xidmət edəcəklərinə əminliyini bildirib.
Sonra 2024-cü ildə Fövqəladə Hallar Nazirliyinin Akademiyasında əyani təhsilini bakalavriat səviyyəsində başa vuran 98 məzun və magistratura səviyyəsində başa vuran 14 məzun vakant vəzifələrin yer aldığı qapalı zərfləri çəkməklə şəffaflıq, aşkarlıq və ədalət prinsipləri əsasında təşkil olunan püşkatma yolu ilə FHN sistemində müxtəlif vəzifələrə təyin ediliblər.
Püşkatma ilə vəzifəyə təyin edildilər - FOTOLAR
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
