Rusiya Milli Avtomobil İttifaqı (NAS) baş nazir Mixail Mişustinə müraciət edərək metanol dövriyyəsinə nəzarətin gücləndirilməsini təklif edib. DenMedia.az xəbər verir ki, ittifaq bu maddənin EGAIS sistemi vasitəsilə uçota alınmasını istəyir.
“Qadağaya baxmayaraq, metanol hələ də şüşəyuyan mayelərin tərkibində istifadə olunur, bu isə vaxtaşırı kütləvi zəhərlənmələrə səbəb olur,” — deyə “Kommersant” qəzetində bildirilir.
İttifaqın fikrincə, bu addım nəinki təhlükəsizliyi artıracaq, həm də istehsal keyfiyyətini və metanol tələbatını optimallaşdıracaq.
Sənaye və Ticarət Nazirliyi isə məsələni istehsalçıların reyestri tamamlandıqdan sonra (1 noyabr 2025) müzakirə etməyə hazır olduğunu bildirib.
