Aviatəyyarə istehsalçısı Airbus A320 ailəsinə aid bir sıra təyyarələrdə uçuş idarəetmə sistemlərində nasazlıq yarada biləcək problem aşkar edib. Şirkətin məlumatına görə, həmin təyyarələrdə proqram təminatı yenilənəcək.
Airbus açıqlamasında bildirir:
“Güclü günəş radiasiyası uçuş idarəetmə sistemlərinin işləməsi üçün həyati əhəmiyyət daşıyan bəzi məlumatları zədələyə bilər.”
Şirkət bu məsələ ilə bağlı beynəlxalq aviasiya nəzarət orqanları ilə əməkdaşlıq edir.
Qərar, 30 oktyabr tarixində Kankundan Nyuarka uçan A320-də baş vermiş insidentdən sonra qəbul olunub. Uçuş zamanı təyyarə qəfil hündürlük itirib və bir neçə sərnişin xəsarət alıb. Layner Floridada təcili eniş edib.
Hazırda dünya üzrə istismarda olan A320 ailəsinə məxsus təyyarələrin sayı təxminən 11,3 min təşkil edir.
