ABŞ Konqresinin respublikaçı üzvü Tomas Massi Nümayəndələr Palatasına ABŞ-ın NATO-dan çıxmasını nəzərdə tutan qanun layihəsi təqdim edib. Bu barədə məlumat siyasətçinin saytında yerləşdirilib.
Massi Şimali Atlantika Alyansını “soyuq müharibənin qalığı” adlandırıb və ABŞ-ın bloku tərk etməsinin vacibliyini vurğulayıb. Onun fikrincə, təşkilata ayrılan vəsait ABŞ-ın öz müdafiəsinə, yoxsa “sosialist ölkələrinə” xərclənməlidir.
O xatırladıb ki, NATO SSRİ-yə qarşı yaradılıb, SSRİ isə artıq 30 ildən çoxdur mövcud deyil. Massiyə görə, alyansda iştirak ABŞ vətəndaşlarına trilyonlarla dollara başa gəlib və ölkənin xarici münaqişələrə cəlb olunması riskini artırır.
«Amerika dünyanın təhlükəsizlik yorğanı olmamalıdır — xüsusilə də varlı ölkələr öz müdafiələrinə pul xərcləməkdən imtina edəndə», — deyə konqresmen bildirib.
Qanun layihəsi ABŞ prezidentini NATO-dan çıxış barədə təşkilata rəsmi bildiriş göndərməyə məcbur edir və alyans strukturlarının maliyyələşdirilməsinə dövlət vəsaiti ayrılmasını qadağan edir.
