ABŞ-da Konqresə aralıq seçkilərdə səsvermə başlayıb.
Seçki məntəqələri ölkənin şərq sahillərində, o cümlədən Konnektikut, Men, Nyu-York və Nyu-Cersi ştatlarında, həmçinin Kentukki və İndiananın bəzi bölgələrində açılıb.
Seçkilərdə Nümayəndələr Palatasının bütün 435 üzvü və 35 senator müəyyənləşəcək. Senatorlardan 33-ü növbəti seçkilərdə, ikisi isə Florida və Ohayo ştatlarında keçirilən xüsusi seçkilərdə seçiləcək.
Noyabrın 3-də 36 ştatda qubernator seçkiləri də keçiriləcək. Bundan başqa, yerli qanunverici orqanların üzvləri və vəzifəli şəxslər seçiləcək, ştat və bələdiyyə səviyyələrində referendumlar baş tutacaq.
Konqresə seçkilər iki mərhələdən – ilkin və ümumi seçkilərdən ibarətdir. Poçtla səsvermənin geniş yayıldığı ştatlarda səslərin hesablanması bir neçə gün çəkə bilər.
Artıq 50 milyondan çox amerikalı erkən səsvermədə iştirak edib. Bununla da 2022-ci ildə qeydə alınan 45,9 milyonluq rekord yenilənib.
