ABŞ Milli Təhlükəsizlik Agentliyi (NSA) ötən il şübhəli telefon danışığını dinləyib. Bu barədə The Guardian nəşri məlumat yayıb. Məlumata görə, söhbət ABŞ Prezidenti Donald Trampın yaxın çevrəsinə daxil olan şəxslə xarici xüsusi xidmət orqanının nümayəndəsi arasında aparılıb. Jurnalistlərin yazdığına görə, insidentlə bağlı məlumat ABŞ-ın Milli Kəşfiyyat Direktoru Tulsi Qabbarda təqdim olunub. Bildirilir ki, Qabbard danışığın detalları ilə bağlı yazılı hesabatın Trampın administrasiya rəhbərinə ötürülməsi barədə göstəriş verib, bundan sonra isə NSA-ya məlumatların yayılmasını qadağan edib. Qərara əsasən, işlə bağlı bütün materialların birbaşa onun ofisinə göndərilməsi tapşırılıb. Eyni zamanda, Milli Kəşfiyyat Direktoru İdarəsi (ODNI) məlumatların gizlədilməsi ilə bağlı ittihamları qəti şəkildə rədd edib. Rəsmi açıqlamada vəziyyətin siyasi motivli manipulyasiya olduğu bildirilib. “Qabbardın atdığı bütün addımlar onun qanunla müəyyən edilmiş səlahiyyətləri çərçivəsində olub. Bu iddialar məxfi məlumatlardan siyasi məqsədlərlə istifadə cəhdidir”, – deyə açıqlamada vurğulanıb.
Kəşfiyyat böhranı: Trampın yaxın çevrəsi xarici kəşfiyyatla danışıb?
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Xəbər lenti
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
