Peru Konqresi keçmiş prezident Dina Boluartenin yerinə təyin edilmiş müvəqqəti dövlət başçısı Jose Jerini vəzifədən azad edib.
Limanın mərkəzində keçirilən səsvermədə 75 deputat lehinə, 24 deputat əleyhinə səs verib, 3 nəfər bitərəf qalıb. Sağ yönlü siyasətçi Jeri bu qərarla postunu itirib.
Peru mətbuatının məlumatına görə, qərara səbəb Jeri ilə dövlətlə iş görən çinli iş adamları arasında yarı gizli görüşlər və bəzi dövlət qurumlarında işə qəbul prosesində pozuntu iddiaları olub.
Konqresdə çoxluğa sahib mühafizəkar partiyalar əvvəlcə Jeri-ni dəstəkləsələr də, barəsində açılan istintaqın ictimai narazılıq doğurmasından sonra mövqelərini dəyişiblər.
Seçkilərə iki ay qalmış qəbul edilən bu qərarla Jeri 2016-cı ildən bəri vəzifədən uzaqlaşdırılan səkkizinci dövlət başçısı olub.
Konqres bu gün parlamentə sədrlik edəcək yeni deputatı seçəcək. Seçiləcək şəxs 28 iyula qədər prezident səlahiyyətlərini müvəqqəti icra edəcək.
Xatırladaq ki, Konqres 2025-ci il 10 oktyabr tarixində Dina Boluarte-ni “daimi əxlaqi yararsızlıq” əsası ilə vəzifədən kənarlaşdırmışdı.
