Fransanın Le-Porj şəhərinin sakinləri iri yanğın zamanı yardımın adi vətəndaşların evlərinə deyil, yaxınlıqdakı bahalı villaların qorunmasına yönəldildiyini iddia ediblər.
Yerli sakinlərin sözlərinə görə, alov 185 evi məhv edib, nəticədə təxminən 3 400 nəfər evsiz və əmlaksız qalıb. Buna baxmayaraq, yanğınsöndürənlərin və hökumətin əsas qüvvələrinin yaxınlıqdakı onlarla lüks villanın xilas edilməsinə yönəldildiyi bildirilir. Həmin villaların yanğından zərər görmədiyi qeyd olunur.
Sakinlər həmçinin yanğının yaxınlaşması barədə SMS xəbərdarlığı almadıqlarını, alov evlərinə çatdığı anda ərazidə yanğınsöndürən maşınları görmədiklərini bildiriblər.
Fransa hakimiyyəti səsləndirilən ittihamlarla bağlı hələlik rəsmi açıqlama verməyib.
