Sumqayıtda 40 yaşlı kişi buna görə bıçaqlanıb:TƏFƏRRÜAT- Yenilənib

Xəbər verdiyimiz kimi ötən gün Sumqayıtda bıçaqlanma olub.

Den.az xəbər verir ki, hadisə 12-ci mikrorayonda Məcburi köçkünlər şəhərciyində baş verib.

Belə ki, 1984-cü il təvəllüdlü Xiyaliyev Xəyal Əli oğlu 2000- ci il təvəllüdlü Elşən Nağıyev tərəfindən bıçaqlanıb.

Yaralı dərhal ağır vəziyyətdə xəstəxanaya çatdırılıb. Ona döş qəfəsinin və sol bazusunun kəsilmiş-deşilmiş yarası diqnozu qoyulub.

Hadisə yerinə hüquq mühafizə orqanlarının əməkdaşları cəlb olub. 

Əməkdaşlarımız hadisənin baş vermə səbəblərini araşdırıb. Mənbədən Den.az- a verilən məlumata görə, hadisə qız üstündə olub. Belə ki, Xəyal Xiyaliyev şəhərcikdə evinə gələn gənc bir xanıma sataşıb və onu tanımaq istədiyini deyib. Elə hər şeydə bundan sonra baş verib. Gənc xanım bu barədə dərhal tanışı Elşən Nağıyevə məlumat verib.Bakının Biləcəri qəsəbəsindən gələn 24 yaşlı Elşən Nağıyev, 40 yaşlı Xəyal Xiyalıyevlə mübahisə etdikdən sonra cibindən bıçaq çıxararaq onun birinci ürəyinə zərbə endirib. Daha 3 zərbəni onun bədən nahiyələrinə vurub. 

24 yaşlı Elşən Nağıyev saxlanılıb. O ilkin ifadəsində tanışı olan qıza görə hadisəni törətdiyini bildirib.

Sumqayıt Tibb Mərkəzindən isə rəsmi açıqlamada bildirilib ki, Təcili Tibbi Yardım Xəstəxanasına 1984-cü il təvəllüdlü (kişi cinsli) şəxs ağır vəziyyətdə hospitalizasiya olunub. Döş qəfəsinin və bazunun kəsilmiş-deşilmiş yarası diaqnozları təyin edilən pasiyent Reanimasiya şöbəsinə yerləşdirilib. Zəruri bütün tibbi yardımlar göstərildikdən sonra M.A.Topçubaşov adına Elmi Cərrahiyyə Mərkəzinə təxliyə olunub.

Fakt araşdırılır.

Nizami Rəsulov
Den.az