Cəlilabadda FACİƏ: iki azyaşlı bacı kanalda batdı - YENİLƏNİB

Cəlilabadda kanalda boğulanlar azyaşlı bacılardır.

Den.az xəbər verir ki, kanalda boğulanların 4 yaşlı Abdullayeva Nərmin Vüsal qızı və onun bacısı 7 yaşlı, birinci sinif şagirdi Leyla olduğu bildirilir.

İlkin məlumata görə, 4 yaşlı Nərmin kanala düşüb, bacısı ona kömək etmək istəyən zaman suya yıxılıb.

Azyaşlılardan birinin meyiti sudan çıxarılıb, digərinin axtarışları davam edir.

***

Saat: 16:57

Cəlilabadda iki nəfər kanala düşərək boğulub.

Den.az xəbər verir ki, hadisə rayonun Uzuntəpə kəndi ərazisində baş verib.

İki nəfərin kanala düşərək boğulduğu bildirilir.

Hazırda onların kimliyi dəqiqləşdirilir.

Faktla bağlı araşdırma aparılır.