Həftənin yorucu günlərini rəngləndirməyin ən gözəl yolu yaxşı filmlərdir. Böyük ekranda açırıq və günü gülümsəyərək davam etdiririk.
Ölkə: ABŞ
Janr: melodrama, komediya
Rejissor: Cey Ronç
Baş rollarda: Ben Stiller, Robert De Niro, Teri Polo, Blayt Danner, Nikol DeHaff
Kinopoisk reytinqi: 7.5/10
Gənc tibb qardaşı Qreq Faker sevgilisi Pemin valideynləri ilə tanış olub onların razılığını almaq və ona evlilik təklifi etmək qərarına gəlir. Amma Qreqin Pemin ciddi, şübhəçi və keçmiş Mərkəzi Kəşfiyyat İdarəsi agenti olan atası Cek Berns üzərində yaxşı təəssürat yaratmaq cəhdləri özünü ard-arda gələn gülməli və tamamilə yöndəmsiz situasiyalara aparıb çıxarır.
Nişan üzüyü olan çemodanı itirməkdən tutmuş, yalan detektoru ilə gözlənilməz “imtahana” qədər — Qreqin qarşısına çıxan hər yeni sınaq əvvəlkindən daha absurd olur. Hər addımında o, Pemin ailəsinə özünü sübut etməyə çalışsa da, taleyin planları tam əksinə işləyir və Qreq özünü növbəti dəfə komediyanın mərkəzində tapır.
