Daha bir tələbə vəfat etdi

Lənkəran Dövlət Universitetinin nəzdində Sosial və Aqrar-Texnoloji Kollecin tələbəsi Əliyeva Rəqsanə Aydın qızı uzunsürən xəstəlikdən sonra dünyasını dəyişib.

“Den.az” xəbər verir ki, bu barədə kollec məlumat yayıb.

Onun Təsviri incəsənət müəllimliyi ixtisasının IV kurs tələbəsi olduğu bildirilir.

Allah rəhmət eləsin!

Qeyd edək ki, ötən gün iki tələbənin də vəfat etməsi ilə bağlı xəbər vermişdik. Bunlar Odlar Yurdu Universitetinin Maliyyə ixtisasının 1-ci kurs tələbəsi Sürayə Canbaxışlı və Bakı Dövlət Universitetinin Hüquqşünaslıq ixtisası üzrə II kurs tələbəsi Elçin Əliyevdir. 
E.Əliyevin dəm qazından vəfat etdiyi məlum olsa da, digər tələbənin hansı səbəbdən vəfat etdiyi açıqlanmayıb.