İranın Məqsədliliyi Müəyyənetmə Şurasının üzvü Seyid Məhəmməd Sədr sensasiyalı iddia ilə çıxış edib.
Denmedia.az xəbər verir ki, o, “Senergyir” telekanalına müsahibəsində bildirib ki, 12 gün davam edən müharibə dövründə Rusiya İsrailə kəşfiyyat məlumatları ötürüb.
“Rusiya İsrailə hava hücumundan müdafiə sistemlərinin İranda yerləşməsi barədə məlumat verib”, – deyə Sədr bildirib. Onun sözlərinə görə, Tehran Moskva ilə münasibətləri qorumağa çalışsa da, Rusiyaya tam etibar etmək doğru olmaz.
Xatırladaq ki, iyunun 13-də İsrail İrana qarşı “Aslan qalxır” əməliyyatına start verib. Hücum çərçivəsində nüvə obyektləri, hərbi bazalar və silah inkişaf mərkəzləri hədəf alınıb. İddialara görə, əməliyyata 200-dən çox döyüş təyyarəsi cəlb olunub.(Globalinfo.az)
