İspaniyanın məşhur aktrisası və müğənnisi Enkarnita Pulo qocalar evində boğularaq öldürülüb.
Bu barədə yerli El Caso nəşri məlumat yayıb.
Məlumata görə, 86 yaşlı sənətçini Avila şəhərində yerləşən qocalar evinin digər sakini boğaraq qətlə yetirib. Pulo uzun müddət həmin müəssisədə xərçəng müalicəsi alırdı. Hazırda hadisənin bütün tərəfləri araşdırılır.
İddia olunan hücumçu — 80 yaşlı kişi — insidentdən sonra psixiatrik şöbəyə yerləşdirilib.
Enkarnita Pulo 60–70-ci illərin İspan pop səhnəsinin parlaq simalarından biri idi və xüsusilə “Paco, Paco, Paco” hit mahnısı ilə məşhurlaşmışdı.
