Xaçmaz rayonunda Azərbaycan Respublikası Prokurorluğunun yaranmasının 106-cı ildönümü və 1 oktyabr - Prokurorluq işçilərinin peşə bayramı günü qeyd edilib.
"Den.az"-ın yerli birosu xəbər verirki, Xaçmaz Rayon İcra Hakimiyyətinin başçısı Elnur Rzayev, yerli hüquq-mühafizə orqanlarının rəhbərləri, Rayon prokurorluğunun əməkdaşları və ictimaiyyət nümayəndələri əvvəlcə Xaçmaz şəhərinin mərkəzində ulu öndər Heydər Əliyevin abidəsini ziyarət edib, önünə gül-çiçək dəstələri qoyublar.
Rayon İcra Hakimiyyətinin başçısı Elnur Rzayev prokurorluq işçilərini peşə bayramı münasibətilə təbrik edib, onlara işlərində uğurlar arzulayıb. Qeyd edib ki, Prezident İlham Əliyevin həyata keçirdiyi qanunvericilik islahatları nəticəsində ölkəmizdə insan hüquqlarının hərtərəfli bərqərar olması təmin edilib. Dövlətçilik ideyalarına sarsılmaz inam və sadiqlik nümayiş etdirən prokurorluq orqanları qanunun aliliyinin təmin olunması, cinayətkarlığa qarşı mübarizə, vətəndaşların hüquqlarının etibarlı müdafiəsi sahəsində yorulmadan xidmət göstərir.
Xaçmaz rayon prokuroru Rəşad Məmmədov prokurorluq orqanlarının maddi-texniki bazasının möhkəmləndirilməsi, iş şəraitinin yaxşılaşdırılması və strukturunun təkmilləşdirilməsi istiqatində görülən işlərdən danışıb. Bildirib ki, prokurorluq orqanları əməkdaşları üzərlərinə düşən vəzifələrin öhdəsindən layiqincə gəlirlər.
Digər çıxış edənlər də prokurorluq orqanları əməkdaşlarını peşə bayramı günü münasibətilə təbrik edib, onlara çətin və məsuliyyətli işlərində uğurlar arzulayıblar.
Nüşabə Baxşıyeva
Den.az
Xaçmazda Prokurorluq işçilərinin peşə bayramı qeyd edilib-FOTOLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
