Türk Dünyasında İlin Adamı: Zakir Fərəcov...
Türk Dünyası Araşdırmaları Beynəlxalq Elmlər Akademiyası, Sumqayıt şəhər İcra Hakimiyyətinin başçısı Zakir Fərəcovu "Türk Dünyasında ilin adamı" Beynəlxalq Diplomu və "Türk Birliyi" Medalı ilə təltif edib.
Den.az xəbər verir ki, Zakir Fərəcov, Akademiyanın Rəyasət Heyətinin 17 mart 2025-ci il tarixli, 03 saylı qərarı ilə "Türk Dünyasında ilin adamı" (İlin icra başçısı) seçilib. Bu mükafata layiq görülməsi, onun Türk dünyasında göstərdiyi əvəzsiz xidmətlər və liderlik qabiliyyətlərinin bir göstəricisidir.
Eyni zamanda "Türk Birliyi" (Turan) medalı ilə də təltif edilmişdir. Bu medal, Türk dünyasının birliyi və əməkdaşlığı yolunda atdığı mühüm addımların tanınmasıdır. Zakir Fərəcovun Türk dünyasının inkişafına verdiyi töhfələr böyük qiymətləndirilir və bu, onun liderlik keyfiyyətlərinin və milli maraqların qorunmasına sadiqliyinin bir sübutudur.
Sumqayıt şəhəri və onun sakinləri üçün bu mükafatlar böyük qürur mənbəyidir və Zakir Fərəcovun rəhbərliyi altında şəhərin daha da inkişaf edəcəyinə olan inamı gücləndirir.
Nizami Rəsulov
Den.az
