Zakir Fərəcov bu dəfə 9-cu mikrorayonda sakinləri dinlədi-FOTO/VİDEO
Zakir Fərəcov bu dəfə 9-cu mikrorayonda sakinləri dinlədi-FOTO/VİDEO
Sumqayıt Şəhər İcra Hakimiyyətinin başçısı Zakir Fərəcovun vətəndaşlarla növbəti görüşü şəhərin 9-cu mk-da keçirilib.
Denaz.Tv xəbər verir ki, 22 nömrəli tam orta məktəbdə keçirilən vətəndaş qəbulunda şəhər İcra Hakimiyyətinin məsul şəxsləri, idarə, müəssisə və təşkilatlarının rəhbərləri, şəhid ailələri, qazilər və şəhər sakinləri iştirak ediblər.
Sakinləri fərdi qaydada dinləyən Sumqayıt Şəhər İcra Hakimiyyətinin başçısı Zakir Fərəcov qaldırılan məsələlərin bir qismini elə yerindəcə həll edib, bəzi müraciətlərin isə araşdırılması və həlli üçün müvafiq qurumların rəhbərlərinə tapşırıqlar verib.
Görüşdə iştirak edən sakinlər Sumqayıtda görülən işlərdən razı olduqlarını bildirdilər, onların müraciətlərinə xüsusi həssaslıqla və diqqətlə yanaşıldığına görə öz minnətdarlıqlarını bildirdilər.
Qeyd edək ki, Sumqayıtda şəhər İcra Hakimiyyətinin başçısı Zakir Fərəcovun vətəndaş qəbulu hər həftə davam edir.