Baş Dövlət Yol Polisi İdarəsi və Sumqayıt Şəhər Polis İdarəsinin Dövlət Yol Polisi Şöbəsinin əməkdaşları "Təmiz hava" aylığı çərçivəsində şəhər ərazisində maarifləndirici-profilaktik tədbir keçiriblər.
Den.az xəbər verir ki, tədbir zamanı atmosferi normadan artıq çirkləndirən, yəni ixrac etdiyi zəhərli qazın miqdarı normadan artıq olan avtomobillərin sürücüləri inzibati qaydada məsuliyyətə cəlb olunublar. Belə ki, avtomobillərin ixrac etdiyi dəm qazı xüsusi qurğu ilə yoxlandıqdan sonra sahibləri haqqında müvafiq qaydada qərar qəbul edilib."Təmiz hava" aylığı çərçivəsində keçirilən tədbir zamanı şəhər ərazisində 20-dən çox avtomobilin sürücüsü saxlanılıb ki, onlardan 10-u barəsində İnzibati Xətalar Məcəlləsinə uyğun olaraq protokol tərtib edilib.
Bundan başqa digər yol hərəkəti qaydalarını pozan sürücülər barəsində müvafiq qaydada tədbir görülüb.
Bu kimi tədbirlərin davam etdirilməsi nəzərdə tutulub.
