ABŞ Konqresinə keçirilən aralıq seçkilərdə hər 10 seçicidən 9-u korrupsiya məsələsini mühüm amil hesab edib.
NBC News telekanalının səsvermədən sonra keçirdiyi sorğunun nəticələrinə görə, respondentlərin 90 faizi hakimiyyət orqanlarındakı korrupsiyanın namizəd seçimində həlledici və ya çox mühüm rol oynadığını bildirib.
Sorğuda iştirak edənlərin 36 faizi korrupsiya ilə mübarizədə Demokratlar Partiyasına, 31 faizi isə Respublikaçılar Partiyasına daha çox güvəndiyini deyib. Qalan 33 faiz hər iki partiyanın bu məsələdə üstünlüyünün olmadığını düşünür.
Noyabrın 3-də keçirilən aralıq seçkilərdə Nümayəndələr Palatasının bütün üzvləri, Senatın təxminən üçdə biri, eləcə də 36 ştat və ərazinin qubernatorları seçilir.
Hazırda Konqresin hər iki palatasına Respublikaçılar Partiyası nəzarət edir.
Seçkilərin nəticələrinə əsasən formalaşacaq 120-ci çağırış Konqres 2027-ci il yanvarın 3-də fəaliyyətə başlayacaq.
