ABŞ prezidenti Donald Tramp, əvvəlki prezident Co Baydenin avtopera — sənədləri avtomatik imzalayan qurğu ilə imzaladığı bütün fərmanları ləğv etdiyini açıqlayıb.
Tramp Truth Social hesabında yazıb:
“Co Bayden tərəfindən avtopera ilə imzalanan bütün sənədlər – yəni onların təxminən 92%-i – bu andan etibarən qüvvədən düşür.”
Amerika liderinin sözlərinə görə, avtopera yalnız prezidentin şəxsən icazəsi ilə istifadə oluna bilər və Bayden bu prosesə cəlb olunmayıb.
Tramp əlavə edib:
“Radikal sol demokratlar Baydenin prezident səlahiyyətlərini əlindən almışdılar.”
“Bayden bu sənədləri şəxsən imzalamayıb. Əgər əksini deyərsə, ona qarşı yalan ifadə vermə ittihamı irəli sürüləcək.”
Tramp bildirib ki, Bayden dövründə avtopera ilə imzalanan bütün fərmanlar hüquqi qüvvəsini itirir, çünki “avtopera istifadə edən şəxslər qanunsuz şəkildə fəaliyyət göstəriblər”.
