Qəzzada minlərlə sakin 112 fələstinlinin dəfn mərasiminə qatılıb.
Fələstin mediasının məlumatına görə, ölənlərin cəsədləri aviazərbədən təxminən üç il sonra dağıntılar altından çıxarılıb.
Qurbanlar Qəzza şəhərinin mərkəzində yerləşən Şeyx Şaban qəbiristanlığında torpağa tapşırılıb.
Dəfn edilənlər arasında 44 uşaq, 37 qadın, 23 yaşlı şəxs və 7 əlilliyi olan insan olub.
Yerli sakinlər bu mərasimin müasir Fələstin tarixində keçirilən ən böyük dəfn mərasimlərindən biri olduğunu bildiriblər.
Fələstin tərəfinin məlumatına görə, 2023-cü il oktyabrın 7-dən bəri Qəzza sektorunda ölənlərin ümumi sayı 74 minə yaxınlaşıb.
