Azərbaycanın “Qarabağ” klubu UEFA Konfrans Liqasının üçüncü təsnifat mərhələsinin cavab oyununda Kiyev “Dinamo”suna 2:0 hesabı ilə qalib gəlib və iki oyunun nəticəsinə əsasən pley-off mərhələsinə yüksəlib.
Qarşılaşma Bakıda, Tofiq Bəhramov adına Respublika Stadionunda keçirilib. Kiyevdə baş tutan ilk oyunda “Dinamo” 1:0 hesabı ilə qalib gəlmişdi.
“Qarabağ” hesabı 12-ci dəqiqədə Jali Muaddibin qolu ilə açıb. Meydan sahibləri ikinci hissədə üstünlüyünü artırıb – 69-cu dəqiqədə Aleksey Kaşuk fərqlənib.
Beləliklə, “Qarabağ” iki oyunun nəticəsinə görə 2:1 hesablı üstünlüklə növbəti mərhələyə vəsiqə qazanıb.
