Çilinin La-Serena şəhərində yerləşən həbsxanada ağır cinayət baş verib. Yerli mətbuatın məlumatına görə, məhbus kamerasındakı digər məhbusu öldürüb və hadisə cəmiyyətə ciddi şok yaşadıb.
Hadisədə 21 yaşlı Manuel İqnasio Fuentes ilə 26 yaşlı Felipe Sepulveda iştirak edib. Fuentes bildirib ki, münaqişə zamanı Sepulveda ona hücum edib və nəticədə insident ölüm ilə nəticələnib.
Hadisədən sonra Fuentesin ruhi vəziyyəti ilə bağlı ciddi suallar yaranıb. Onun atası oğlunun şizofreniyadan əziyyət çəkdiyini, həbsxanada isə lazımi tibbi müalicə almadığını iddia edib. Fuentesin yaxınları onun son dövrlər psixoz və hallüsinasiyalar yaşadığını bildiriblər.
Gənc 2022-ci ildə qarətə görə həbs olunmuşdu. Bir müddət sonra qaçsa da, yenidən saxlanılaraq Çiliyə qaytarılmışdı.
Hadisə ilə bağlı istintaq davam edir.
