DƏHŞƏT: Qaçırdığı qızın ailəsinin evinə basqın edib, qızı, atası və qardaşını öldürdü

Oğlan 27 yaşlı Ayşe İnceyolun evinə basqın edib.

Den.az-ın xarici KİV-ə istinadla xəbərinə görə, hadisə Bitlisin Mutki rayonunda qeydə alınıb.

Cihan Oral daha əvvəl qaçırdığı Ayşe İnceyolu, 65 yaşlı atası Musanı və 35 yaşlı böyük qardaşı Neytullah İnceyolu silahla öldürüb, 54 yaşlı anası Nermin İnceyolu isə ağır yaralayıb. Hadisədən sonra qaçan Cihan Oralın tutulması üçün axtarış başladılıb.

Hadisə gecə saat 3 radələrində Mutki rayonunun Kavakbaşı qəsəbəsinin Arpalıseki məhəlləsində baş verib. Muşun Qorkut rayonunun Azaklı kəndində yaşayan evli Cihan Oral təxminən bir il əvvəl Ayşe İnceyolu qaçırıb. Lakin İnceyol ailəsi bir müddət sonra qızlarını taparaq evə gətirib. Cihan Oral gecə silahını da götürərək rayona gəlib.