Sosial şəbəkələrdə azyaşlı uşaqların gözü qarşısında narkotik istifadə edən şəxsin görüntüləri yayılıb.
“Den.az”-ın məlumatına görə, görüntülər Mingəçevir şəhərində qeydə alınıb.
İddia olunur ki, narkotik qəbul edən şəxs azyaşlıları da pis vərdişlərə sövq edir.
Məsələ ilə bağlı DİN-in Mətbuat xidmətinin Şəki regional qrupuna sorğu ünvanladıq.
Öyrəndik ki, sözügedən şəxs əvvəllər dəfələrlə məhkum edilmiş Zaur Şirinovdur. O, 2 ay əvvəl cinayət məsuliyyətinə cəlb edilib:
“Zaur Şirinov Mingəçevir Şəhər Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyat zamanı iyun ayında şübhəli şəxs qismində saxlanılıb. Şəxsi axtarış zamanı ondan heroin aşkar edilib. Faktla bağlı Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşıma) maddəsi ilə cinayət işi başlanılıb. Digər iddialar istintaq predmetidir və hazırda başlanmış cinayət işi üzrə zəruri istintaq hərəkətləri davam etdirilir”.
Uşaqların gözü qarşısında narkotik istifadə edən şəxslə bağlı DİN-dən - Açıqlama

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.