Nikotin tərkibi olmayan siqaretlər asılılığa aparan ilk addım ola bilər. Bu barədə “Radio 1”ə açıqlamasında narkoloq həkim Aleksey Kazantsev xəbərdarlıq edib.
Onun sözlərinə görə, bu tip məhsullar xüsusilə gəncləri və yeniyetmələri zərərli vərdişlərə cəlb edir:
“Nikotin olmayan siqaret nə üçündür? Hansı məqsədə xidmət edir? Mən bunun nəyi əvəz etdiyini belə anlamıram. Əsas təhlükə psixoloji cəlbetmədir – siqaret çəkmə ritualının təqlidi vasitəsilə. Yetkin siqaret çəkən üçün bu keçid şübhəlidir, amma asılılığı olmayan yeniyetmə üçün bu, asılılığa aparan ilk və tamamilə lazımsız addımdır”, — deyə Kazantsev bildirib.
Narkoloq vurğulayıb ki, bu cür məhsulların satışı qanunvericilik səviyyəsində məhdudlaşdırılmalıdır. Onun fikrincə, mövcud asılılıqla mübarizə başqa, daha effektiv tibbi üsullarla aparılmalıdır.
