"Biz istədiyimizi axıra qədər deyib, tənqid edə bilmirik. Ona görə ki, bəzi məmurlar özlərini toxunulmaz hesab edirlər"
"Bütün jurnalistləri Milli Mətbuat günü münasibətilə təbrik edirəm".
Den.az bildirir ki, bunu "Sherg.az"a açıqlamasında Azərbaycan Jurnalistlər Birliyinin sədri, “Ayna-Zerkalo” qəzetlərinin baş redaktoru Elçin Şıxlı Azərbaycan mətbuatının bu günündən danışarkən deyib. O bildirib ki, yeni jurnalistika deyə bir termin tanımır:
"Jurnalistikanın təzəsi, köhnəsi yoxdur. Burada yenilik ancaq texnologiyada ola bilər. Yəni yeni platformalar əmələ gəlir, təzə avadanlıqlar var və informasiyanın daha çevik ötürülməsi üçün geniş imkanlar yaranıb. Əgər sən jurnalistsənsə, yeni platformalarda çalışmağı öyrənəcəksən və bununla da iş bitəcək. Ancaq jurnalistikada yazmağa mövzu yoxdursa, yaxud sən istədiyini deyə bilmirsənsə, deməli jurnalist deyilsən".
Baş redaktor əlavə edib ki, Azərbaycan jurnalistikası 148 il ərzində xeyli yol keçib:
"Bizim gözəl, böyük jurnalistlərimiz olub və indi də var. Amma bunu hər kəsə şamil etmək çətindir. Çünki jurnalistlərimizin söz deyə bilən və ağlı başında olanlarının mütləq əksəriyyəti ölkədən qaçıb. İndi ölkədən kənarda ancaq bizi söyənlər qalıb. Yəni ağıllı tənqid edən jurnalistlərimizi məhv etmişik və ortalıqda boş-boş adamlar var. Onlar isə harada ağızlarına nə gəlir ya danışırlar, ya da yazırlar. Bu da jurnalistika deyil. Daxildə isə böyük əksəriyyət ələ baxan olub. Biz istədiyimizi axıra qədər deyib, tənqid edə bilmirik. Ona görə ki, bəzi məmurlar özlərini toxunulmaz hesab edirlər. Ümumiyyətlə jurnalistikamızın indiki vəziyyətindən razı deyiləm".
Qeyd edək ki, 22 iyul - Azərbaycanda Milli Mətbuat Günü kimi qeyd olunur. Dövrün görkəmli ziyalısı Həsən bəy Zərdabinin 22 iyul 1875-ci ildə nəşr etdirdiyi “Əkinçi” qəzeti ilə əsası qoyulmuş Azərbaycan milli mətbuatı bütün dövrlərdə həqiqət carçısı olmuş, cəmiyyəti düşündürən problemləri, dövrün mütərəqqi ideyalarını əks etdirmiş, xalqımızın maariflənməsində, milli və bəşəri dəyərlərin təbliğində mühüm rol oynayıb.
Xatırladaq ki, 5 iyul 1991-ci ildə Azərbaycanın ilk milli qəzeti olan «Əkinçi» qəzetinin birinci nömrəsinin çapdan çıxdığı gün - 22 iyul Azərbaycan jurnalistikası günü elan edilmişdir.
"Jurnalistlərimizin böyük əksəriyyəti ələ baxan olub" - Baş redaktor
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
