Qvadelupanın Azadlığı naminə Xalq Birliyinin təşkilatçılığı və Bakı Təşəbbüs Qrupunun (BTQ) dəstəyi ilə Fransa müstəmləkəçiliyindən əziyyət çəkən Korsika, Melaneziya, Polineziya, Karib və Antil adaları qrupundan olan 15-dən çox siyasi partiya və müstəqillik hərəkatlarının rəhbər şəxslərinin iştirakı ilə Bakıda birinci qurultay keçirilir. Niderlandın müstəmləkəsi olan Bonayre və Sen-Martin adalarından üç təşkilat Qurultayda fəxri qonaq qismində iştirak edir.
Mövzunu "Den.az"a şərh edən politoloq Turan Rzayev bildirib ki, Qurultayın keçirilməsi ideyası Fransanın dənizaşırı ərazilərinin müstəqillik uğrunda mübarizə aparan siyasi partiya və hərəkatlarına məxsusdur:
"Rəsmi Bakı sadəcə ev sahibliyi edir və platforma tanıyır. Ümumiyyətlə artıq bu və bu kimi təşəbbüslər Bakıda mütəmadi həyata keçirilir. Azərbaycan hər zaman ölkələrin beynəlxaq hüquqla tanınan ərazilərinə hörmətlə yanaşıb. Lakin bununla belə xalqların öz müqəddəratını təyinetmə prinsipini də dəstəkləyir. Başda Korsika olmaqla, Melaneziya, Polineziya, Karib və Antil adaları fransız müstəmləkəçiliyin qurbanlarıdır. 21-ci əsir kaleonalizm siyasətindən əziyyət çəkən bu ərazilər bu gün öz müqəddəratını təyin etmək istəyir. Rəsmi Paris hər vəch ilə bu ərazilərin azad qərar vermək, müstəqillik əldə etmə fəaliyyətlərinin qaşısını alıb onlara qarşı mədəni, siyasi repressiyalar edir. Onlara dəstək verən ölkələri isə separatizmə dəstəkdə ittiham edir. Azərbaycan 30 ildən artıq separatizmdən əziyyət çəkən bir ölkə kimi heç bir halda separatçı fəaliyyəti dəstəkləməyib. Lakin Fransa hər zaman erməni separatizmini dəstəkləyib, himayə edib yeri gəldikcə Azərbaycana qarşı istifadə edib. Hlabuki Fransanın özündə real müstəqillik hərəkatları var və Paris bunu bilə-bilə belə təhlükəli siyasi oyunlara girib. Azərbaycan separatizmin kökünü kəsdi, lakin Fransa müstəmləkələri açıq şəkildə müstəqillik istəklərini dilə gətirir. Azərbaycan yalnız haqları basdırılan, pozulan, öz müqəddəratını təyin etmək istəyən xalqalara platforma tanıyır. Bakıda Təşəbbüs Qrupunun (BTQ) dəstəyi ilə silsilə görüşlər keçirilir. Fransa faktiki olaraq müstəmləkələrin müstəqillik arzularının qarşısını ala bilmir. Bu tədricən onların müstəqillik əldə etməsinə gətirib çıxaracaq. Yeni Kaledoniya və Korsika ilk müstəqillik əldə edən xalqlar olacaq".
Günəş Fərəh
Den.az
Fransanın Afrika siyasəti sona çatır: Bu xalqlar müstəqil olacaq
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
