ABŞ Prezidenti Co Bayden Barak Obamanın şəxsən ona seçki yarışından geri çəkilməyin zəruriliyi barədə demədiyinə, habelə Nümayəndələr Palatasının keçmiş spikeri Nensi Pelosinin seçkidən geri çəkilməsi ilə bağlı təzyiqlərinə görə məyus olub.
Den.az xəbər verir ki, bu barədə “Politico”nəşri yazır.
Məlumata görə, Bayden ən yaxın tərəfdarlarına bildirib ki, o, prezidentlik yarışından geri çəkilmək qərarı ilə barışsa da, lakin onu buna məcbur edən Demokratlar Partiyasının bir sıra üzvlərindən - Barak Obama, Nensi Pelosi və Çak Şumerdən küsüb.
Qeyd olunur ki, Baydenin yarışdan çəkilmək qərarındakı rolunu açıq şəkildə izah edən Pelosi son vaxtlar diqqət mərkəzində olub. Bildirilir ki, Bayden seçkidən çəkilmək qərarını elan etdikdən sonra Nümayəndələr Palatasının keçmiş spikeri ilə əlaqə saxlamayıb.
“Bayden, həmçinin, Obamanın iyunun sonunda Atlantada baş tutan fəlakətli debatdan sonra kampaniya ilə bağlı narahatlıqlarını bildirmək üçün birbaşa ona zəng etmədiyinə görə narazıdır”, - nəşr yazır.
Xatırladaq ki, iyulun 21-də Co Bayden prezidentlik yarışından geri çəkildiyini açıqlayıb.
Bayden onlardan küsüb
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
