Yeni Zelandiya Ukraynadakı müharibəyə görə Rusiyaya qarşı yeni sanksiyalar tətbiq edib.
Den.az xəbər verir ki, bunu Yeni Zelandiyanın xarici işlər naziri Uinston Peters deyib.
“Rusiyanın Ukraynaya qarşı davam edən qeyri-qanuni təcavüzkar müharibəsi beynəlxalq qaydalara ziddir. Zaporojye AES-in işğalı isə nüvə təhlükəsizliyinə ciddi təhlükə yaradır. Rusiya dərhal qoşunlarını Ukrayna ərazisindən çıxarmalıdır”, – deyə zelandiyalı nazir bildirib.
O qeyd edib ki, yeni sanksiyalar işğala dəstək verən beş fiziki şəxsə və altı quruma təsir edəcək.
“Belarusa qarşı sanksiyalar isə Rusiyanın qeyri-qanuni hərəkətlərini dəstəkləyənləri pisləmək və məsuliyyətə cəlb etmək məqsədi daşıyır”.
Peters Yeni Zelandiyanın beynəlxalq tərəfdaşlarla kordinasiyalı şəkildə hərəkət etdiyini deyib.
Qeyd edək ki, 2022-ci ilin martından bəri Yeni Zelandiya artıq 1700-dən çox fiziki və hüquqi şəxsə sanksiya, eləcə də bir sıra ticarət məhdudiyyətləri tətbiq edib.
Günəş Fərəh
Den.az
Yeni Zelandiya Ukraynadakı müharibəyə görə Rusiyaya qarşı yeni sanksiyalar tətbiq edib
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
