“Almaniya kansleri Olaf Şoltsun Rusiya prezidenti Vladimir Putinlə telefon danışığı aparması Avropa Birliyini zəiflədən strateji səhvdir”.
Den.az xəbər verir ki, bunu Estoniyanın xarici işlər naziri Marqus Tsaxna deyib.
O, Şoltsa qarşı beynəlxalq tənqidlərin digər Avropa liderlərini Putinlə danışıqlardan çəkindirəcəyinə ümidvar olduğunu bildirib.
Estoniyalı nazir əlavə edib ki, ölkəsi Ukraynanın ən güclü tərəfdarlarından biridir. Lakin Şoltsun hərəkəti Qərbin Putini təcrid etmək səylərini sarsıdıb.
“Bu, strateji səhvdir. Çünki bizim Putini təcrid vəziyyətində saxlamağa dair prinsipial razılaşmamız var idi. Putin konstruktiv danışıqlarda iştirak etməyə və qoşunlarını Ukraynadan çıxarmağa hazır olduğunu göstərənə qədər bu mövqe saxlanılmalıdır. Bu, sadəcə olaraq birliyimizi və mövqeyimizi zəiflətdi”, – deyə Tsaxna vurğulayıb.
Xatırladaq ki, kansler Şolts Putinlə bir saatlıq telefon danışığı aparıb. Bu, onun Rusiya lideri ilə təxminən iki il ərzində ilk birbaşa ünsiyyəti olub. Şolts Almaniya, Avropa və digər ölkələrin Ukraynaya dəstəyinin zəifləməyəcəyini Putinə bildirmək istədiyini açıqlayıb və telefon danışığının səbəbini bu cür izah edib.
Günəş Fərəh
Den.az
"Bu, Avropa Birliyini zəiflədən strateji səhvdir” - Estoniyalı nazir
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
