Albaniya rəhbərliyi ölkədə TikTok sosial şəbəkəsini qadağan etmək qərarına gəlib.
“Den.az” “Reuters”ə istinadən xəbər verir ki, bu barədə məlumatı ölkənin Baş naziri Edi Rama açıqlayıb.
Onun sözlərinə görə, 2025-ci ilin əvvəlindən qüvvəyə minəcək qadağa Albaniyanın bütün vətəndaşları üçün bir il müddətinə qüvvədə olacaq.
E.Rama qeyd edib ki, Albaniya qərarın ləğvi və yaxud müddətinin uzadılması barədə qərar verməzdən əvvəl şirkətin və digər ölkələrin reaksiyasını müşahidə edəcək.
Ölkədə sözügedən sosial şəbəkədən istifadəyə qadağa qoyulmasına səbəb isə ötən ay 14 yaşlı yeniyetmənin qətlə yetirilməsi olub.
Belə ki, həmin gənc dava zamanı digər bir məktəbli tərəfindən bıçaqlanıb. Yerli media yazıb ki, məktəblilər arasında davaya səbəb sosial şəbəkələrdə onlar arasında düşən mübahisə olub. Hadisədən sonra TikTokda bununla bağlı çox sayda video yayılıb. Həmin videolarda məktəblilər qətlə haqq qazandırıb.
Şirkət isə öz növbəsində insidentlə bağlı açıqlama yayaraq, hər iki gəncin TikTokda hesabının olmadığını və onlar arasında mübahisənin başqa sosial şəbəkədə baş verdiyini bildirib.
Bu ölkədə TikTok qadağan edildi
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
