Xəbər verdiyimiz kimi, bu gün Moskvanın şimal-qərbində yaşayış kompleksində partlayış baş verib. Hadisə nəticəsində 1 nəfər ölüb, daha 5 nəfər isə yaralanıb.
“Den.az”-ın “Kommersant”a istinadən məlumatına görə, partlayış zamanı yaralananlardan biri “Donetsk Xalq Respublikası”nın Boks Federasiyasının “fəxri prezidenti” və “Arbat” batalyonunun təsisçisi, erməniəsilli Armen Sarkisyandır.
Həmin şəxs cangüdəni ilə birlikdə binaya daxil olduqda partlayıcı qurğu işə düşüb. Xəstəxanaya çatdırılan Sarkisyanın vəziyyətinin ağır olduğu qeyd olunub. İnsident zamanı ölən şəxsin isə onun cangüdəni olduğu bildirilir.
Rusiyanın İstintaq Komitəsi hadisə ilə bağlı qətlə cəhd və qanunsuz silah dövriyyəsi maddələri üzrə cinayət işi başladıb.
TASS isə öz mənbələrinə istinadən insidentin Armen Sarkisyana qarşı sui-qəsd olduğunu yazıb. Məlumata görə, sui-qəsd cəhdi sifariş əsasında yerinə yetirilib və dəqiqliklə planlaşdırılıb.
Qeyd edək ki, “Arbat” batalyonu 2022-ci ildə yaradılmış könüllü dəstədir. Onun tərkibinə əsas olaraq etnik ermənilərdən ibarət təqribən 500 nəfər daxildir.
***
TASS-ın məlumatına görə, A.Sarkisyan reanimasiyada ölüb.
Moskvadakı partlayış ona qarşı sui-qəsd cəhdi imiş? - Yenilənib
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
