Şimali Atlantika Müqaviləsi Təşkilatı Avropadakı müttəfiqlərdən və Kanadadan növbəti bir neçə il ərzində silah və texnika ehtiyatlarını təxminən 30% artırmağı xahiş etmək niyyətindədir.
“Den.az” xəbər verir ki, bu barədə Bloomberg alyansın yüksək rütbəli nümayəndəsinə istinadən məlumat yayıb.
Rusiyanın Ukraynada hərbi əməliyyatına başlamazdan əvvəl müəyyən edilmiş standartları yeniləyəcək NATO-nun yeni hədəfləri indi iyunun əvvəlində təşkilatın müdafiə nazirlərinin Brüsseldə görüşündə qəbul edilməsi üçün müzakirə edilir.
Rəsmilər bildiriblər ki, bu məqsədlərə nail olmaq əksər Avropa müttəfiqlərindən və Kanadadan əhəmiyyətli maliyyə öhdəlikləri tələb edəcək, ABŞ-nin xərcləri isə əsasən dəyişməz qalacaq.
Alyansın nümayəndələrindən birinin sözlərinə görə, yeni hədəflər silah və texnikanın həcminin orta hesabla 30% artırılmasını özündə ehtiva edir. Ancaq bəzi kateqoriyalarda bu rəqəm daha yüksək və ya aşağı ola bilər. NATO-nun yüksək rütbəli rəsmisi agentliyə bildirib ki, yeni məqsədlərin həyata keçirilməsi 5-15 il çəkəcək.
KİV: NATO müttəfiqlərinə qarşı yeni tələblər qoyacaq
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
