Türkiyədə rus neftinin alınması özəl emal müəssisələri və distribyutorların qərarlarına əsaslanır.
DenMedia.az xəbər verir ki, bu barədə ölkənin energetika naziri Alparslan Bayraktar ABŞ prezidenti Donald Trampın rus enerji resurslarının alınmasını dayandırmaq çağırışına münasibət bildirərkən deyib.
«Əslində, bu, özəl şirkətlərin, distribyutorların və neft emalı zavodlarının qərarıdır», — deyə Bayraktar qeyd edib.
Nazir vurğulayıb ki, Ankara əhalinin tələbatını təmin etmək üçün Rusiyadan təbii qaz idxalını davam etdirəcək.
«Biz vətəndaşlarımıza qazın olmadığını deyə bilmərik. Rusiyaya dair razılaşmalarımız var. Qış gəlir və bizə Rusiyadan, Azərbaycandan və Türkmənistandan qaz almaq lazımdır», — deyə o əlavə edib.
