İyunun 2-də Məktəblilərarası fənn müsabiqələri və Lütfi Zadə adına riyaziyyat-məntiq olimpiadasının final turu təşkil edilib.
Təhsil İnstitutundan Den.az-a verilən məlumata görə, imtahanlar Bakı şəhərində 3, Naxçıvan şəhərində 1 mərkəzdə keçirilib. Ümumilikdə, 1377 nəfər şagird final turunda iştirak hüququ əldə edib.
Lütfi Zadə adına riyaziyyat-məntiq olimpiadasında şagirdlərə 25 qapalı, Fənn müsabiqələrində isə 15 açıq sual təqdim olunub.
Məktəblilərarası fənn müsabiqələrində hər bir istiqamət üzrə 42 və 42-ci şagirdlə eyni nəticə göstərmiş şagirdlər, Lütfi Zadə adına riyaziyyat-məntiq olimpiadasında isə 60 və 60-cı şagirdlə eyni nəticə göstərmiş şagirdlər qalib hesab olunur.
Nəticələr 7 iyun 2024-cü il tarixinə qədər elan ediləcək.
Qeyd edək ki, Lütfi Zadə adına riyaziyyat-məntiq olimpiadası V, Fənn müsabiqələri isə VI və VII sinif şagirdləri arasında keçirilir. Müsabiqələrin keçirilməsinin əsas məqsədi istedadlı uşaqların aşkar olunması, şagirdlər arasında sağlam rəqabət mühitinin yaradılması, şagirdlərin məntiqi biliklərinin inkişafına təkan vermək, yaradıcı istedad və fərqli düşünmə qabiliyyəti ilə fərqlənən şagirdləri aşkara çıxarmaq, onlarla məqsədyönlü işlərin aparılmasından ibarətdir.
Fənn müsabiqələri və Lütfi Zadə olimpiadasının final nəticələri bu tarixdə AÇIQLANACAQ
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
