Məktəbəqədər təhsil müəssisələrinin elektron sisteminə sağlamlıq haqqında tibbi arayışlar inteqrasiya olunur.
Bu barədə Den.az-a Məktəbəqədər və Ümumi Təhsil üzrə Dövlət Agentliyindən məlumat verilib.
Məktəbəqədər təhsil müəssisələrinə qəbul zamanı tələb olunan sağlamlıq haqqında tibbi arayışların elektronlaşdırılması təmin edilib. Belə ki, tibbi arayışlar birbaşa “Məktəbəqədər Təhsil Müəssisələrinə Uşaqların Qəbulu” elektron sisteminə ötürüləcək.
Tibbi arayışın əldə edilməsi prosesi aşağıdakı qaydada həyata keçirilir:
Məktəbəqədər təhsil müəssisəsinə qəbul olmuş uşağın valideyni (digər qanuni nümayəndəsi) elektron sistemdə müraciəti qəbul edildikdən sonra sağlamlıq haqqında tibbi arayışını əldə etmək üçün müvafiq poliklinikaya müraciət edir.
Müayinə tamamlandıqdan sonra arayış 48 saat ərzində bq.edu.az portalında valideynin şəxsi kabinetinə və təhsil müəssisəsinin sisteminə əlavə olunur.
Məktəbəqədər təhsil müəssisələrinin rəhbərləri sağlamlıq haqqında tibbi arayışları elektron sistem üzərindən əldə edə bilərlər.
Qeyd edək ki, məktəbəqədər təhsil müəssisəsinə qəbul olan uşağın valideyni (digər qanuni nümayəndəsi) bq.edu.az portalına daxil olaraq elektron tibbi sağlamlıq arayışını əldə edə bilər.
Şahnaz Əliyeva
Den.az
Məktəbəqədər təhsil müəssisələrinin elektron sisteminə əlavələr ediləcək- YENİLİK
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
