Vladimir Putin və İlham Əliyev Rusiya Prezidentinin Azərbaycana son dövlət səfərinin uğurlu nəticələrindən məmnunluq ifadə ediblər.
Den.az xəbər verir ki, bu barədə Rusiya Prezidentinin Mətbuat xidmətinin məlumatında bildirilib.
Qeyd edilib ki, avqustun 28-də Rusiya Prezidenti Vladimir Putinlə Azərbaycan Prezidenti İlham Əliyev arasında telefon danışığı olub.
Danışıq zamanı əldə olunmuş razılaşmaların ardıcıl surətdə həyata keçirilməsinin Rusiya-Azərbaycan müttəfiqlik və tərəfdaşlıq münasibətlərinin daha da dərinləşməsinə töhfə verəcəyi vurğulanıb.
Dövlət başçıları Cənubi Qafqazdakı mövcud vəziyyətin müxtəlif aspektləri, o cümlədən Azərbaycan-Ermənistan sülh müqaviləsinin hazırlanması, sərhədlərin delimitasiyası və demarkasiyası, iki dövlət arasında nəqliyyat əlaqələrinin açılması məsələlərinə dair fikir mübadiləsi aparıblar.
Bununla əlaqədar, Rusiya tərəfi müvafiq qarşılıqlı məqbul həllərin işlənib hazırlanmasında Bakıya və İrəvana hər cür yardımı davam etdirməyə hazır olduğunu təsdiqləyib.
Prezidentlər arasında şəxsi təmasların davam etdirilməsi razılaşdırılıb.
Prezident Putinlə Cənubi Qafqazdakı vəziyyəti MÜZAKİRƏ ETDİ
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
