Bu gün Azərbaycan Ordusunun keçirdiyi, lakin uğursuzluqla nəticələnən Daşaltı əməliyyatından 33 il ötür.
Den.az xəbər verir ki, 1992-ci il yanvarın 25-dən 26-na qədər davam edən əməliyyatın əsas məqsədi Şuşanın Daşaltı kəndinin erməni işğalından azad edilməsi idi. Əməliyyat üçün Şıxov taborundan 200 əsgər ayrılmış, rəhbərlik isə sabiq müdafiə naziri Tacəddin Mehdiyevə tapşırılmışdı. Lakin hava şəraitinin sərtliyi, əlaqə çatışmazlıqları, bələdçilərin xəyanəti və əməliyyat sirrinin yayılması səbəbindən plan uğursuzluqla nəticələndi.
Əməliyyat zamanı Azərbaycan Ordusu 100-ə yaxın itki verdi, polkovnik-leytenant Riad Əhmədov itkin düşdü və onun taleyi bu günədək naməlumdur. Düşmən isə 80 nəfərdən çox itki verdi.
28 il sonra, 2020-ci il sentyabrın 27-də başlayan Vətən müharibəsi zamanı Azərbaycan Ordusu Daşaltı kəndini işğaldan azad edərək tarixi qisas aldı. Noyabrın 9-da Daşaltı kəndi tam azad edildi, bununla da "Daşaltı əməliyyatı"nda həyatını itirənlərin ruhu şad oldu.
Azadlıqdan sonra bölgədə ermənilərin törətdiyi hərbi cinayətlərin sübutları tapıldı. 2021-ci il fevralın 17-də Daşaltıda əlləri və ayaqları bağlı vəziyyətdə güllələnmiş insanlara məxsus kütləvi məzarlıqlar aşkar edildi. Bu, ermənilərin törətdiyi cinayətlərin açıq göstəricisidir.
Azərbaycan Ordusunun tarixi zəfəri həm itirilmiş torpaqların, həm də şəhidlərin qisasını alaraq xalqımızın ədalətini bərpa etdi.
Daşaltı əməliyyatından 33 il ötür
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
