Almaniya kansleri Fridrix Merts “LCI” telekanalına verdiyi müsahibədə ölkəsinin hazırda Rusiya ilə münaqişə vəziyyətində olduğunu açıqlayıb.
Denmedia.az xəbər verir ki, Merts Moskvanın Almaniyada sabitliyi pozmaq üçün sosial şəbəkələr vasitəsilə müdaxilə əməliyyatları həyata keçirdiyini bildirib.
Kanslerin sözlərinə görə, Almaniyanın kəşfiyyat xidmətləri ona gündəlik olaraq Rusiyanın infrastruktur və ictimai rəyə təsir fəaliyyətləri barədə məlumat verir.
Merts həmçinin Fransa Prezidenti Emmanuel Makronun Putinin Avropanın qapısında yırtıcı olması ilə bağlı qiymətləndirməsi ilə razılaşdığını qeyd edib.
Daha əvvəl Merts Ukraynadakı münaqişənin hələ aylarla davam edə biləcəyini istisna etməyib.
