Kreml Rusiya prezidenti Vladimir Putinlə Almaniya kansleri Olaf Şolts arasında 2022-ci ildən bəri ilk telefon danışığının baş tutduğunu təsdiqləyib və müzakirənin əsas detallarını açıqlayıb.
Den.az xəbər verir ki, bu barədə Kremlin mətbuat xidməti məlumat yayıb.
Bildirilib ki, söhbət Almaniya tərəfinin təşəbbüsü ilə baş tutub. Söhbət zamanı liderlər Ukrayna böhranı, ikitərəfli münasibətlər, Yaxın Şərqdəki vəziyyət və bir sıra digər aktual məsələləri müzakirə ediblər.
Putin xatırladıb ki, hazırkı Ukrayna böhranı uzun illər davam edən aqressiv NATO siyasətinin birbaşa nəticəsidir. Rusiya tərəfi heç vaxt Kiyev rejimi tərəfindən kəsilmiş danışıqların bərpasından imtina etməyib və dialoqa açıqdır. Rusiyanın təklifləri isə hamıya məlumdur.
“Mümkün razılaşmalar Rusiyanın maraqlarını nəzərə almalı, yeni ərazi reallıqlarını əks etdirməli və münaqişənin əsas səbəblərini aradan qaldırmalıdır”, – deyə Kremlin açıqlamasında vurğulanıb.
Digər məsələlərlə yanaşı, Yaxın Şərqdəki gərgin vəziyyət də müzakirə edilib. Rusiya prezidenti Şoltsu Moskvanın regionda gərginliyin azaldılmasına yönələn addımları barədə məlumatlandırıb.
Günəş Fərəh
Den.az
"Rusiyanın təklifləri hamıya məlumdur" - Putin
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
