Masallı rayonu, Qəriblər kəndi ərazisində yerləşən istirahət kompleksində yanğın olub.
Fövqəladə Hallar Nazirliyindən Den.az-a verilən xəbərə görə, daxil olan məlumatla əlaqədar dərhal əraziyə FHN-in Dövlət Yanğından Mühafizə Xidmətinin Masallı rayon Yanğından Mühafizə Hissəsinin qüvvələri cəlb olunub.
Hadisə yerində əməliyyat şəraiti qiymətləndirilərkən yanğının istirahət kompleksinin ərazisində yerləşən kotecdə baş verdiyi və meşəyə keçmə riskinin yüksək olduğu müəyyən edilib.
Yanğın nəticəsində ümumi sahəsi 286kv.m. olan ikimərtəbəli kotecin yanar konstruksiyaları 160kv.m. sahədə və 3 ədəd ağac yanıb.
Kotecin qalan hissəsi və meşə yanğından mühafizə olunub.

