Sumqayıtda bir gündə iki yanğın hadisəsi baş verib.
Den.az xəbər verir ki, hadisələrdən biri şəhərin Hacı Zeynalabdin qəsəbəsində ASPİ GLASS MMC-də baş verib.
Hadisə yerinə 6 yanğınsöndürən avtomobil cəlb olunub.
Hadisə yerində əməliyyat şəraiti qiymətləndirilərkən yanğının ümumi sahəsi 5 000kv.m olan şüşə istehsalı sexinin ərazisində baş verdiyi və yayılma riskinin yüksək olduğu müəyyən edilib.Yanğınsöndürənlərin çevik müdaxiləsi sayəsində yanğın genişlənməsinə, o cümlədən sexin digər sahələrinə yayılmasına imkan verilmədən qısa müddətdə söndürülüb.Yanğın nəticəsində sexin əritmə sobası ətrafında 150 kv.m. sahə yanıb.Sexin böyük hissəsi yanğından mühafizə olunub.
Sumqaytın şəhərinin 14-cü məhəlləsində ki, yataqxanada da yanğın qeydə alınıb. Yanğın binanın 4-cü mərtəbəsində başlayıb.Əraziyə Fövqəladə Hallar Nazirliyinin (FHN) Dövlət Yanğından Mühafizə Xidmətinin (DYMX) canlı qüvvəsi və texnikaları cəlb olunub. Hadisə ilə əlaqədar binanın 28 sakini təxliyə edilib. Yanğın yanğınsöndürənlər tərəfindən söndürülüb.
Hazırda hər iki hadisənin baş vermə səbəbləri və qəsdən yandırılması ehtimalının olub olmaması araşdırılır.
