İtaliyanın Lombardiya bölgəsinin Sondrio vilayətində bir helikopter qəzaya uğrayıb. Üç nəfər xəsarət alıb, daha bir nəfəri isə xilas etmək mümkün olmayıb. Bu barədə ölkənin yanğınsöndürmə xidməti sosial şəbəkə X-də məlumat yayıb.
“Üç yaralı xilas edilib və tibb işçilərinə təhvil verilib,” — paylaşımda qeyd olunur.
Repubblica qəzetinin məlumatına görə, helikopter dağdan enmiş selin nəticələrini izləyirdi. Uçuş zamanı hava nəqliyyatı qayaya toxunub və bunun ardınca sərt eniş baş verib. Qəza yerinə çatan xilasedicilər bildiriblər ki, onlar gələndə bortda olanların hamısı sağ idi.
