Boliviyada Mərkəzi Bank üçün böyük məbləğdə pul daşıyan hərbi təyyarənin qəzaya uğramasından sonra yerli sakinlər ətrafa səpələnmiş əskinasları götürməyə cəhd ediblər. Hadisə polis müdaxiləsinə və banknotların məhv edilməsi qərarına səbəb olub.
İnsident cümə günü El Alto şəhərinin hava limanı yaxınlığında baş verib. Təyyarə eniş zamanı qəzaya uğrayıb və zədələnmiş bağlamalardan pul vəsaitləri ətrafa səpələnib.
Hadisə yerinə toplaşan insanlar xilasedicilərin və həkimlərin işinə mane olub. Polis izdihamı dağıtmaq üçün gözyaşardıcı qazdan istifadə edib, lakin insanlar yenidən əraziyə qayıdıblar.
Boliviyanın Mərkəzi Bankının rəhbəri David Espinoza bildirib ki, səpələnmiş banknotlar dövriyyədən çıxarılıb və yandırılacaq. O vurğulayıb ki, həmin pulların mənimsənilməsi qanunsuzdur.
